Kryetari i Partisë Demokratike, Lulzim Basha bëri sot një akuzë të fortë. Sipas Bashës, është një fakt që e dinë edhe shërbimet partnere, që “te restoranti privat në Kryeministri, një herë në 2 apo 3 ditë ka krerët e bandave të Shqipërisë”.
Basha theksoi se Shqipëria “ka nevojë për një kryeministër në lartësinë e pritshmërive tuaja”.
“Ndaj me mua kryeminister te garantoj se modeli do jetë ai i promovimit të specialistëve, sipas meritës”, iu pergjigj Basha pyetjes së një qytetari i cili pyeti si do ndalet largimi i specialisteve nga vendi yne.
“Po promovove kriminelët, trafikantët, nese ja dorezon shtetin njerezve qe kane trafikaur vajzat e grate e Lezhes e gjithe Shqiperise, po drekove e darkove me ta, në Kryeministri, nëse kryeministri jep këtë model, çfarë pret ti te bejne specialistët e shtetit? Sic e di unë, sic e dine edhe sherbimet partnere, te restoranti privat në Kryeministri, një herë në 2 apo 3 ditë ka krerët e bandave të Shqipërisë, darkojnë me paratë tuaja në restorantin privat të Kryeministrisë.
Nese ky eshte shembulli qe jep kryeministri, ekspertet do te largohen.
Shqipëria ka nevojë për një kryeministër në lartësinë e pritshmërive tuaja. Një kryeministër që prioritet ka ndarjen e politikës nga krimi e une kete e kam provuar me ligjin e dekriminalizimit e me propozimin e vetingut te politikaneve qe Edi Rama e refuzoi.
Ndaj me mua kryeminister te garantoj se modeli do jetë ai i promovimit të specialistëve, sipas meritës. Për këtë do kemi ndihmën e plote te partnerëve tanë ne vecanti te BE dhe SHBA”, deklaroi Basha.
