Tiranë- Kreu i PDK-së, Enver Hoxhaj mbërrin sot në Tiranë për të mbajtur takime me krerët e shtetit.
Hoxhaj, i shoqëruar nga nënkryetari Xhavit Haliti dhe sekretari Uran Ismaili, do të zhvillojnë takime të veçanta nga krerët e shtetit.
Kreu i PDK-së do të takohet me presidentin shqiptar, Ilir Meta, me kryeparlamentarin Gramoz Ruçi dhe me kryeministrin e Shqipërisë, Edi Rama, po ashtu me kryebashkiakun Veliaj.
Në këto takime kreu i PDK-së, njëherësh kandidati për kryeministër Enver Hoxhaj pritet të diskutojë për zhvillimet politike në vend dhe rajon, për projektet dhe planin e tij qeverisës, për bashkëpunimin ndërmjet dy vendeve. Theks i veçantë do të vendoset tek shkuarja në Hagë të liderëve shtetërorë të Kosovës dhe krerëve të UÇK-së, Hashim Thaçi dhe Kadri Veseli.
