Një ngjarje e rëndë ka tronditur lagjen “3 dëshmorët” në Shkodër, mbrëmjen e djeshme, pasi vëllai ka vrarë të motrën me armë zjarri. Fabian Vuka, i njohur si një person i alkoolizuar, ka qëlluar për vdekje të motrën duke përfunduar në prangat e Policisë së Shtetit.
Viktima, e identifikuar si Diana Vuka, jetonte prej kohësh në Gjermani dhe së fundmi, rreth një javë më parë, kishte ardhur për të kaluar kohë në vendlindje për të kaluar
kohë në familje.
Pamje nga vendi i ngjarjes
Sipas fqinjëve, ajo kthehej herë pas here në Shkodër dhe kishte konflikte me të vëllanë, megjithatë kësaj herë, debati ka degraduar në përdorimin e armës së zjarrit. Paraprakisht u raportua se 55-vjeçari e kishte vrarë të motrën me thikë dhe e mbante në shtëpi prej 3 ditësh, e se ngjarja u raportua nga fqinjët që se kishin parë Dianën prej disa ditësh. Por Policia ka raportuar se vrasja është kryer me armë zjarri, pa dhënë detaje të tjera.
Nuk dihet nëse në banesë ka pasur persona të tjerë të familjes, megjithatë deri më tani është prangosur vetëm Vuka, ndërsa e motra është dërguar në morg për t’ju nënshtruar ekspertizës mjeko-ligjore, që do të zbardhë edhe shkakun e vdekjes.
