Hekuran Rrasa, 58-vjeçari që vrau gruan e tij Fëllënxë Rrasa dhe më pas qëlloi për vdekje veten, nuk kishte pasur më herët probleme me bashkëshorten. Mësohet se asnjë nga dyshja nuk kanë ngritur denoncime për dhunë në komisariatin e policisë në Divjakë dhe se sherri që ka sjellë krimin e dyfishtë, mund të ketë qenë i momentit.
Dyshja kanë lënë pas një djalë, i cili gjeti dhe trupat e pajetë të prindërve. Edhe pse i tronditur nga ngjarja, djali ka arritur të njoftojë policinë për krimin. Hetimet paraprake zbuluan se 58-vjeçari ka qëlluar fillimisht të shoqen dhe më pas veten.
