KINË- Udhëheqësi i Kinës Xi Jiping ka bërë paralajmërime të forta në lidhje me politikën që po ndjek Kina ndaj COVID-19 dhe parandalimin e përhapjes së variantit të ri Omicron. Sipas CNN, reagimi i Xi Jiping vjen pas kritikave se bllokimet e shpeshta dhe masat e rrepta kanë nxitur një sërë pakënaqësish publike pas bllokimit masiv që ndodhi në Shangai ku pamjet tragjike të njerëzve të blokuar në shtëpitë e tyre pa ushqim dhe pa ilaçe bënë xhiron e botës.
“Ne do ti përmbahemi në mënyrë të palëkundur politikës së përgjithshme të “zero-Covid” dhe të luftojmë me vendosmëri kundër çdo fjale dhe akti që shtrembëron, dyshon ose mohon vendimin tonë. Politikat e parandalimit të epidemisë dhe strategjia jonë e parandalimit dhe kontrollit përcaktohet nga natyra dhe misioni i partisë, politikat tona mund t’i rezistojnë provës së historisë, masat tona janë shkencore dhe efektive. Ne kemi fituar betejën për të mbrojtur Wuhanin dhe sigurisht që do të jemi në gjendje të fitojmë betejën për të mbrojtur Shangain,”- u shpreh Xi Jiping.
Deklarata e fundit Xi Jiping e ka bërë të qartë se qeveria kineze po dyfishon qasjen e saj për t’u mbështetur në bllokime të shpejta, testime masive dhe karantinë për të parandaluar përhapjen e variantit Omicron dhe për të penguar një bllokim të ekonomisë kineze.
