Kryeministrja e Suedisë, Magdalena Andersson tha se vendi i saj do të marrë një vendim lidhur me anëtarësimin në NATO, vetëm pas një analize serioze të situatës gjeopolitike.
Ajo u shpreh se Suedia do të vendosë duke pasur parasysh interesin e saj më të mirë, shkruan CNN.
“Siguria në botë ka ndryshuar pas pushtimit rus të Ukrainës dhe duke parë këtë situatë, duhet të mendojmë vërtet se çfarë është më e mira për Suedinë”, tha ajo.about:blank
Deklarata e Andersson u bë ditën e sotme, pas një takimi me homologen e saj finlandeze Sanna Marin në Stokholm.
Suedia dhe Finlanda po mendojnë seriozisht anëtarësimin e tyre në NATO, për shkak të agresionit rus në Ukrainë.
Rusia është shprehur kundër anëtarësimit të tyre, duke theksuar se kjo nuk do të sillte stabilitet në Europë.
