Vlorë- Policia e Vlorës ka arrestuar në flagrancë 4 shtetase të cilat kultivonin lënëdë Cannabis Sativa në një zonë të pyllëzuar. Policia arriti t’i evidentojë në flagrancë në kontrollin masiv që është bërë në zonë, bazuar në informacionet e marra në rrugë operative.
Shtetaset me iniciale A.B, 59 vjeç, R.B, 58 vjeç, F.R, 57 vjeç dhe A.M, 55 vjeç janë banuese në fshatin Llakatundë, Vlorë dhe E.Y, 39 vjeç banuese në fshatin Akerni, Vlorë.
Gjatë kontrollit të ushtruar në zonë, efektivët e policisë arritën të sekuestronin sasi 4 kilogramë cannabis sativa.
Njoftimi i policisë:
Shërbimet e Policisë, në vijim të punës për parandalimin, evidentimin dhe goditjen e veprimtarisë kriminale në fushën e kultivimit të bimëve narkotike, gjatë kontrollit masiv të territorit, bazuar dhe në informacionet e marra në rrugë operative, kanë evidentuar dhe goditur një rast të tentativës për kultivim të kanabisit.
Në vijim të veprimeve, specialistët për Hetimin e Krimit arrestuan në flagrancë shtetasit A. B., 59 vjeç, R. B., 58 vjeçe, F. R., 57 vjeçe, A. M., 55 vjeçe, banues në fshatin Llakatundë, Vlorë dhe E. Y., 39 vjeçe, banuese në fshatin Akerni, Vlorë.
Policia deklaron se arrestimi i këtyre shtetasve u bë pasi janë kapur në kushtet e flagrancës duke tentuar të kultivonin bimë narkotike cannabis sativa në një zonë të pyllëzuar të fshatit Vllahinë, Vlorë.
Gjithashtu, gjatë kontrollit të ushtruar përreth territorit ku u konstatuan bimët narkotike, shërbimet e Policisë kanë gjetur dhe sekuestruar dhe një sasi rreth 5 kilogramë cannabis sativa.
Materialet iu referuan Prokurorisë Vlorë, për veprat penale “Kultivimi i bimëve narkotike” dhe “Prodhimi dhe shitja e narkotikëve”.
