TIRANË– Luan Cenollari, baba i dy fëmijëve humbi tragjikisht jetën në aksidentin e ndodhur në orët e para të mëngjesit të sotëm në Tiranë. Cenollari po drejtonte një mjet tip “Honda” kur u godit nga mjeti tip “Citroen” që drejtohej nga Emirjan Doko, i cili ishte në gjendje të dehur.
Si pasojë e goditjes, Cenollari dhe pasagjeri i tij Ali Bejo humbën jetën. Por detaje të tjera janë mësuar se Cenollari ishte polic i burgjeve por edhe punonte punonte si taksist për të siguruar disa të ardhura më shumë.
Sindikata e Shërbimeve Policore të Shqipërisë ka shpërndarë një mesazh teksa i shpreh ngushëllimet familjes, ndërsa shkruan se gjendja e vështirë ekonomike dhe pamundësia për të përballuar koston e jetesës në metropol, kishte detyruar kolegun e tyre, që të punonte si edhe taksist.
