Tom Cruise dhe Katie Holmes (tashmë të divorcuar) patën një nga dasmat më të famshme në rajonin e Lazio-s, pasi u martuan në kështjellën Orsini-Odescalchi në Bracciano në vitin 2006. Që prej asaj kohe, shumë gjëra kanë ndryshuar, ndaj autoritetet duan të shpëtojnë sektorin e dasmave, sidomos pas pandemisë së Covid.
Nisma, e quajtur “In Lazio with love (Në Lazio me dashuri), është e hapur për italianët dhe të huajt që martohen në rajon nga 1 janari deri më 31 dhjetor 2022. Çiftet mund të bëjnë kërkesat e tyre, duke siguruar maksimumi pesë fatura dhe nëse pranohen, do të marrin një rimbursim prej €2,000 për paratë e shpenzuara për shërbimet e dasmave me bazë në Lazio, duke përfshirë planifikuesit e dasmave, veshjet, ambientet, kateringun, lulet, makinën, fotografët etj.
Autoritetet kanë përcaktuar një total prej 10 milionë eurosh për nismën dhe aplikimet për rimbursim mund të bëhen deri në fund të janarit të vitit 2023, ose derisa fondi të mbarojë.
“Skema është e nevojshme për të mbështetur një sektor që ka vuajtur keq nga kriza ekonomike,” tha për Gurdian Nicola Zingaretti, presidenti i Lazio-s. “Ne kemi vendosur njërin sy në sektorin e turizmit me vetëdijen dhe krenarinë se jemi në gjendje të mburremi për çdo pjesë të rajonit tonë, me shumë vendndodhje ndër më magjiket dhe magjepsëset në botë falë një trashëgimie kulturore të pashembullt.”
Që nga fillimi i pandemisë, 9,000 çifte janë martuar në Lazio, krahasuar me më shumë se 15,000 në vitin 2019. Ky rajon ka një shumëllojshmëri vendodhjesh, duke përfshirë kryeqytetin italian, një mori qytetesh mesjetare, kodra e plazhe.
