Kujtimet që Princi Harry pritet të publikojë do të shqetësojnë familjen mbretërore, sipas burimeve të shumta. Libri i Dukës së Sussex-it përmban bomba të vërteta shpërthyese, ka zbuluar Page Six. Ai pritet të publikohet në vjeshtë, pavarësisht raporteve se është shtyrë.
“Ka shumë histori të reja atje për të kaluarën, për të cilat Harry nuk ka folur më parë, për fëmijërinë e tij … ka një përmbajtje atje që duhet ta bëjë familjen e tij nervoze,” -tha një burim.
Megjithatë, thuhet se Harry nuk ka përfshirë asgjë nënçmuese për gjyshen e tij, Mbretëreshën Elizabeth.
Libri do të jetë një vazhdim i pretendimeve të bujshme të Harry-t për familjen mbretërore, si ato në intervistën me Oprah Winfrey.
“Unë po e shkruaj këtë jo si princi që kam lindur, por si njeriu që jam bërë”, tha Harry në një deklaratë pasi lajmi u publikua korrikun e kaluar. “Kam veshur shumë kapele gjatë viteve, si në të vërtetë, ashtu edhe në kuptimin figurativ. Shpresa ime është që duke treguar historinë time – arritjet dhe uljet, gabimet, mësimet e nxjerra – mund të ndihmoj të tregoj se pavarësisht nga vijmë, ne kemi më shumë të përbashkëta sesa mendojmë.
Ai theksoi se ndihet i emocionuar që njerëzit do të lexojnë një rrëfim të drejtpërdrejtë të jetës së tij, që është i saktë dhe plotësisht i vërtetë.
