Komisioni i Ligjeve ka marrë sot nën shqyrtim dekretin e presidentit Ilir Meta për kthimin në Kuvend, aty ku me 15 vota pro dhe me 2 kundër, asnjë abstenim do të kalojë në kuvend ditën e enjte.
Në komision këshilltari i presidentit ka argumentuar kthimin e ligjit duke u shprehur se ndryshimet duhet të bëhen në kod. Nga ana tjetër mazhoranca u shpreh se argumentet e presidentit nuk kanë lidhje me kodin.
Ulsi Manja gjatë fjalës së tij u shpreh se Venecia thotë që ndryshimet nuk mund të bëhen 1 vit para zgjedhjeve dhe të cënojnë ligjin zgjedhor.
‘Venecia thotë që ndryshimet nuk mund të bëhen 1 vit para zgjedhjeve dhe të cënojnë ligjin zgjedhor. Kam një pyetje për presidencën, kë konsideroni element thelbësor të një kodi zgjedhor, pavarësisht se kodi zgjedhor është miratuar me një shumicë votash në parlament?’- shprehet Manja.
Ndërkohë që vetëm pak kohë më pas, reagoi edhe komisioneri Europian për Zgjerimin, Oliver Varhelyi dhe raporteri për Shqipërinë në PE, David Lega, të cilët i bënë thirrje maxhorancës që të mos i votonte ndryshimet por të prisnin opinionin e ‘Venecias’.
Mirëpo kryeministri Rama nuk bëri prapakthehu dhe u shpreh qartë se Kuvendi nuk do të humbë kohë dhe të enjten ndryshimet do të kalojnë sërish.
