MEKSIKË- Dy të rinj kishin planifikuar të martoheshin në Kiev, por për shkak të luftës ceremonina e tyre martesore është bërë në Meksikë.
Sipas BBC, dy azilkërkuesit në SHBA, vajza ishte nga ukraina ndërsa djali nga rusia. Ata kishin jetuar më parë në Ukrainë por si pasoje e luftës ata u larguan nga vendi.
Ukrainasja Daria Sakhniuk dhe ruse Semen Bobrovski u martuan të mërkurën në zyrat e gjendjes civile meksikane.
“Jam shumë i lumtur që takova disa njerëz shumë të mirë që mund të na ndihmonin të bashkohemi në këtë martesë këtu në Meksikë, në Tijuana”,-tha Sakhniuk për rrjetin.
Pas ceremonisë, çifti festoi ditëlindjen e 27-të të Sakhniuk me një festë tradicionale meksikane “taquiza” dhe një bandë mariachi.
Sipas një njoftimi të ri nga këshilli i qytetit të Tijuana, ata kishin mbërritur në Meksikë dy javë më parë. Bobrovski nuk ishte në gjendje të kërkonte azil në SHBA, për shkak të masave të imigracionit që janë në dispozicion vetëm për qytetarët ukrainas që ikin nga lufta.
Tani që Bobrovski është martuar me një ukrainase, çifti shpreson të lejohet të hyjë në SHBA dhe të vendoset sërish në Nju Jork.
