Një 29-vjeçare e identifikuar si Xhanina Hoxha banuese në fshatin Shqitas, Maliq, ka ndërruar jetë gjatë transportimit për mjekim më të specializuar në Tiranë. Mësohet se 29-vjeçarja ishte pasagjere në mjetin e llojit “Ford” në momentin që u aksidentua në Pofradec.
Drejtuesi ishte 42-vjeçari Mariglen Hoxha, i cili humbi kontrollin e mjetit dhe dol inga aksi rrugor Grunjas-Kakaç në Korçë.
Të dy personat që ndodheshin në mjet, burrë e grua kanë mbetur të plagosur dhe janë nisur për mjekim më të specializuar drejt Traumës, por 29-vjeçarja ka ndërruar jetë gjatë rrugës. Drejtuesi i mjetit është në gjendje të rëndë dhe për të policia ka nisur procedimin penal për shkeljen e rregullave të qarkullimit rrugor.
Njoftimi i policisë:
Në vijim të informacionit paraprak datë 07.10.2021, i cili bën fjalë për një aksident rrugor, strukturat e lartpërmendura, filluan procedimin penal për veprën penale “Shkelja e rregullave të qarkullimit rrugor”, ndaj shtetasit K. G., 42 vjeç, banues në fshatin Shqitas, Maliq, pasi në segmentin rrugor Grunjas-Kakaç, ky shtetas duke drejtuar mjetin tip “Ford”, ka dalë nga rruga dhe për pasojë kanë marrë dëmtime pasagjerja, shtetasja Xh. H., 29 vjeçe, banuese në fshatin Shqitas, Maliq, e cila gjatë transportimit për mjekim më të specializuar në Tiranë, ka ndërruar jetë, si edhe drejtuesi i mjetit K. G., i cili ndodhet në Spitalin e Traumës Tiranë, nën kujdesin e mjekëve. Materialet i kaluan Prokurorive së Rretheve Gjyqësore Korçë e Pogradec për veprime të mëtejshme.
