Ministrja e Shëndetësisë, Ogerta Manastirliu ka deklaruar ditën e sotme nga foltorja e Kuvendit se në vend do të mbërrijnë 8190 doza vaksine anti-COVID nga marrëveshja që Shqipëria ka me Pfizer. Sipas Manastirliut deri më tani kanë mbërritur mbi 8000 doza nga po e njëjta marrëveshje.
“Janë 140 vende që nuk e kanë nisur ende vaksinimin. Ne jemi ndër vendet që e kemi nisur vaksinimin.Shqipërisë i është dashur të bëjë një kontratë me Pfizer. Kanë mbërritur mbi 8000 doza deri tani dhe pritet lëvrimi i 8190 dozave të tjera sot”, tha Manastirliu.
Në vendin tonë vijon procesi i vaksinimit. Fillimisht vaksinën e kanë marrë bluzat e bardha, ndërsa iu nënshtruan këtij procesi të moshuarit në azile si dhe 24 personalitete të fushës së artit dhe kulturës.
