Do të njiheni tani me listën e akuzave nga shtëpia e modës Liu Jo, kundrejt modeles më të paguar në botë, Kendall Jenner.
Në një ankesë ligjore të paraqitur në një gjykatë në New York City të hënën, 2 gusht, kompania italiane akuzon yllin e Keeping Up With the Kardashians se ka shkelur kushtet e një kontrate modelimi, duke mos u shfaqur në një nga dy fotosesionet e planifikuara, për të cilat ajo do të paguhej në një total prej 1.5 milion dollarë, plus një tarifë shërbimi prej 20 përqind. Kendall, e cila ishte modelja më e paguar në botë në vitin 2018 me 22.5 milionë dollarë të ardhura vjetore, sipas Forbes, nuk i ka adresuar akuzat, por stafi i saj lëshoi ??një deklaratë duke mohuar pretendimet.
Liu Jo pretendon se ylli mori pjesë në xhirimet e para në korrik të 2019-ës. Marka e njohur i kishte paguar asaj deri në atë moment, 1.35 milionë dollarë. Xhirimi i dytë ishte vendosur të bëhej në Londër në mnars 2020, por pandemia i ndaloi udhëtimet.
Padia thotë se palët ranë dakord të shtyjnë xhirimet në vjeshtë, por nuk konfirmuan një datë të re. Kendall thuhet se përfundimisht nuk u përgjigj më për Liu Jo, derisa kompania e informoi atë se do ta padiste për shkelje të kontratës.
Një zëdhënëse, e cila përfaqëson Kendall, tha për E!Neës se: “Kjo padi është pa meritë. The Society Managment, në emër të zonjës Kendall Jenner, i ka ofruar vazhdimisht Liu Jo-s datat dhe vendet alternative për të përmbushur një marrëveshje që u detyrua të shtyhej për shkak të pandemisë koronavirus.”
Gjithashtu në padinë e saj, Liu Jo tha se pasi Kendall propozoi të shtyjë xhirimet në tetor, kompania mësoi se modelja do të udhëtonte në Itali në shtator 2020 për të kryer një fotosesion për një stilist tjetër.
Kompania thotë në paraqitjen e saj se sipas kushteve të kontratës së tyre, të paktën pagesat e saj të para dhe të dyta ndaj modeles duhet të rimbursohen sepse ajo nuk mori pjesë në fotosesionin e dytë dhe, grupi pretendon, gjithashtu nuk mund të riplanifikohet më një datë e përshtatshme reciprokisht. Kompania po kërkon të paktën 1.8 milionë dollarë dëmshpërblim.
