Ish-kryeministri Sali Berisha ka komentuar në Kuvend marrëveshjen e Portit të Durrësit, e cila solli mjaft debate mes qeverisë dhe opozitës. Berisha tha se Porti i Durrësit është një mega aferë korruptive në shërbim të interesave strategjike të Serbisë.
“Zonja përmendi këtu 2013, ajo që mund tu them shqiptarëve është se pasi kanë marrë 9 vite me radhë mbi 500 mld lekë çdo vit borxh dhe kanë rritur borxhin nga 62.4* në 107*, këta vjedhës nuk janë në gjendje tu nxjerrin asgjë substanciale në 9 vite përveç pasurimit të tyre. Dua të qartësoj shqiptarët se ka ikur njeriu që ka për flamur, flamurin e Vuçiçit, që ka për atdheu, atdheun e Vuçiçit.
Afera e Durrësit është aferë Rama-Vuçiç. Pas aferës qëndrojnë vëllezërit Kariç, të sanksionuar nga SHBA, BE dhe Britania, dhe tani bëjnë biznes me Edi Ramën. Dubai i Edi Ramës në Durrës është mega-afera më e madhe sot në Europë. I një njeriu që për të mbushur xhepat dhe për interesat strategjike të Vuçiç, i shkatërron vendit, portin mijëravjeçar. Flamuri i tij është flamuri i Serbisë. Flamuri i vjedhjes. Atdheu i tij është Beogradi”, tha Berisha.
Më pas në një dalje për mediat, Berisha tha se më 12 nëntor, ditën kur është thirrur protesta, Rama do përballet me çdo aferë.
“Atëherë poseduesit e Ballit ujor të Beogradit shiten kompanitë e tyre që i kishin të regjistruara në Qipro. Ka për Atdhe të vërtetë Serbinë, ka për Zot paratë që vjedh së bashku me Aleksandër Vuçiçin. Ai flet dhe ia mbath. Vjen në Parlament si i kalamendrur nga droga. Kërcënon me SPAK-un dhe gjykatat e partisë. Rama do të përballet me çdo aferë. 12 nëntori do të jetë protesta më e madhe që ka parë vendi ndonjëherë, qytetarët do të shprehin mllefin kundër këtij regjimi që e ka tjetërsuar flamurin, atdheun, çdo gjë”, tha Berisha.
