Tiranë- Ambasada Amerikane në Tiranë përmes një postimi sqaron të gjithë qytetarët të cilët vazhdojnë të ‘bien pre’ e mashtrimeve për vizat amerikane.
Në njoftim theksohet se Departamenti i Shtetit nuk do të kërkojë kurrë të transferohen para tek një individë apo organizatë tjetër për të marrë vizën.
Ne kontaktohemi vazhdimisht nga individë që kanë rënë viktima të mashtrimit të vizave. Mashtrimet zakonisht përfshijnë faqe interneti të rreme, adresa emaili dhe kërkesa për tarifa shtesë që duhet paguar për të marrë një vizë. Mos harroni, Departamenti i Shtetit nuk do t’ju kërkojë kurrë të transferoni para tek një individ apo organizatë tjetër për të marrë vizën tuaj. Informoni veten në mënyrë që të mos bëheni viktimë e një mashtrimi!
