Kanë mbërritur në aeroportin “Nënë Tereza” të Rinasit, një grup atletësh ukrainas, të cilët kanë mundur të largohen nga tmerret e luftës në vendin e tyre, pas agresionit të Rusisë.
Ata janë 8 atletë dhe 2 trajnerë të tyre, që pasi do të akomodohen nga Federata Shqiptare e Atletikës, në bashkëpunim nga KOKSH, do t’u krijohen mundësitë që të qëndrojnë dhe të stërviten në impiantet tona sportive.
Ata do te qëndrojnë në vendin tonë, për aq kohë sa sportistët dhe drejtuesit e tyre do ta shikojnë te nevojshme.
Ishte ky një gjest simbolik solidariteti me sportistët ukrainas, pas thirrjes së ikonës së atletikës Sergei Bubka, i cili i kërkoi ndihmë Federatës Shqiptare të Aletikës për mbështjen dhe krijimin e kushteve të nevojshme stërvitore për disa atletë ukrainas.
Në aeroporin e Rinasit, atletët ukrainas kishte dale për t’i pritur Fidel Ylli, presidenti i KOKSH-it, si dhe ambasadori i Ukrainës në vendin tonë.
