Mbretëresha Elizabeth II ka anuluar drekën familjare para Krishtlindjeve, si një masë paraprake për shkak të rritjes së rasteve të Covid-19 në Mbretërinë e Bashkuar, tha një burim në Pallatin Buckingham për CNN të enjten.
Sipas burimit, vendimi është një vendim paraprak pasi mendohet se dreka do të rrezikonte më shumë zhvillimin e Krishtlindjeve. Edhe pse ka “keqardhje” që dreka është anuluar, shtoi burimi, ekziston një besim se është “gjëja e duhur për të bërë” për të gjithë të interesuarit.
Vendimi vjen pas paralajmërimeve të forta nga shefi mjekësor i Anglisë për përhapjen e variantit Omicron, duke u bërë thirrje njerëzve të jenë të kujdesshëm në mënyrë që Krishtlindjet të mund të ruhen. Profesori Chris Whitty, tha se njerëzit duhet të “vënë në parësi atë që ka rëndësi për ta” kur marrin në konsideratë pjesëmarrjen në festa dhe ngjarje të tjera gjatë periudhës së Krishtlindjes.
Varianti i koronavirusit Omicron po përhapet me një ritëm që nuk është parë me variantet e mëparshme, sipas Drejtorit të Përgjithshëm të Organizatës Botërore të Shëndetësisë, Tedros Adhanom Ghebreyesus.
