Mediat e pavarura i kanë bërë thirrje qeverisë që të heqin kufizimet për raportimin në spitalet Covid. Reuters shkruan se disa media kanë botuar letrën e dërguar qeverisë dhe Kryeministrit, Viktor Orban.
Kjo kërkesë e mediave të pavarura ka ardhur për shkak se në Hungari vetëm mediave shtetërore u lejohet që të hyjnë dhe të raportojnë mbi situatën në spitale dhe në qendrat e vaksinimit.
Që nga fillimi i pandemisë deri tani në Hungari janë regjistruar 652,433 persona me Covid, ndërsa 20,737 të tjerë kanë humbur jetën.
