Meksikë- Rregullatori i shëndetit të Meksikës Cofepris ka deklaruar që do të autorizonte përdorimin emergjent të vaksinës Indiane COVAXIN, pasi rastet e koronavirusit në vend kishin arritur një nivel jashtëzakonisht të rëndë. Ministri i Jashtëm meksikan Marcelo Ebrard, e miratoi vendimin e tij.
“Vendimi nga Cofepris për të autorizuar përdorimin e vaksinës të prodhuar në Indi COVAXIN, vjen në një kohë të rëndësishme dhe të domosdoshme. Opsionet për vaksinimin kundër COVID-19 po zgjerohen” deklaroi ministri Ebrard në Twitter.
Deri më tani Meksika ka vaujtur më shumë se 2 milionë infeksione dhe më shumë se 205 mijë të vdekur sipas statistikave të Organizatës së Shëndetësisë Botërore. Në një situatë të dëshpëruar qeveria po përpiqet të gjejë çdo lloj mjeti për të lehtësuar krizën shëndetësore.
