Presidenti Ilir Meta ka sulmuar kryeministrin Edi Rama, gjatë një bashkëbisedimi me gazetarët në qytetin e Fierit. Duke nisur nga fotoja me të cilën numri një i qeverisë e ironizoi teksa prezantonte emrat e kandidatëve të tij në zgjedhje, Meta iu përgjigj duke u shprehur se ishte i lumtur që nuk konsumonte lëndë narkotike.
Më pas, teksa u përgjigjej pyetjeve të gazetarëve lidhur me sulmet që kishte marrë nga i pari i qeverisë, kreu i shtetit sugjeroi se Rama kishte probleme mendore dhe se duhet t’i nënshtrohej një kontrolli shëndetësor. Meta pati edhe një sulm për ndërkombëtarët, të cilëve sipas tij populli shqiptar do t’u japë një leksion për faktin që i konsiderojnë një popull sorrash.
Më pas ndër të tjera, Meta shtoi se dosjet e Shijakut dhe të Dibrës kanë mbajtur peng integrimin evropian, duke kërkuar edhe njëherë nga qytetarët që të marrin pjesë masivisht në zgjedhje për të vendosur për fatin e tyre.
Nga ekrani, presidenti u ka kërkuar shqiptarëve që të shikojnë me kujdes të gjithë emrat e kandidatëve tradicionalë dhe të rinj që janë futur në garë, për të vendosur për
PJESË NGA BISEDA:
Pyetje: Keni pretenduar se jeni mbrojtës i Kushtetuës?
Meta: Nuk kam pretenduar. Kam qenë, jam dhe do të jem.
Meta: Nuk kam asnjë peng sepse çdo vendim e kam marrë me bindjen se i kam shërbyer Shqipërisë. E kam ndarë fatin tim me Shqipërinë.
Pyetje: Sulmet e Ramës
“Ç’mund të presim ne nga një njeri që thotë “këtu më keni deri më 2030”?! E qartë që kemi të bëjmë me një person me probleme të mëdha mendore. Ka probleme të mëdha dhe nevojë për kontrolle shëndetësore.
Edhe sikur të isha duke pirë raki, nuk do isha i shqetësuar. Se unë kokainën nuk e pi dhe do jem një luftëtar i pashembullt kundër cdo politikani që përdor substanca narkotike dhe që jo vetëm kaq, por del garant para mafias ndërkombëtare për të pastruar paratë e drogës në Shqipëri.” u shpreh presidenti, ndërkohë që shtoi se përveç se e konsumon, Rama i ka hapur rrugë pastrimit të parave të drogës.
