Shefi i diplomacisë ruse, Sergei Lavrov ka zhvilluar një bisedë telefonike me kryeministrin dhe ministrin e Punëve të Jashtme të Shqipërisë, Kryetarin e Përgjithshëm të OSBE-së Edi Rama, bisedë e zhvilluar sipas Ministrisë së Jashtme ruse, me iniciativën e këtij të fundit.
Gjatë diskutimit të situatës në Bjellorusi, Lavrov vuri në dukje se përdorimi i mekanizmit të Moskës në lidhje me Minskun ka kufizuar më tej shanset e OSBE-së për të lehtësuar një dialog konstruktiv midis autoriteteve bjelloruse dhe opozitës.
“Përfundimet e arritura nga Wolfgang Benedek janë të njëanshme dhe joprofesionale. Ai ka paraqitur rekomandime të papranueshme politike që janë përtej autoritetit dhe kompetencës së institucioneve dhe mekanizmave të OSBE-së. Shembulli i tij, i ka bërë standardet e dyfishta. Ato po minojnë besimin në OSBE”, ka thënë Lavrov
Rama dhe Lavrov diskutuan gjithashtu për përgatitjet për takimin e Këshillit Ministror të OSBE në Tiranë (3-4 dhjetor të këtij viti) përmes videokonferencës dhe perspektivat për përpjekjet e OSBE nën kufizimet epidemiologjike për shkak të pandemisë së koronavirusit.
Ata shkëmbyen mendime mbi mënyrat e kapërcimit të krizës institucionale në OSBE, mundësitë për promovimin e dialogut dhe zhvillimin e bashkëpunimit produktiv për një axhendë unifikuese dhe çështjet e sigurisë.
