RUSI– Pas famës ndërkombëtare që Don Xhoni mori me hitin e tij ‘Make a pose’, një modele ruse Ariana Lirey ka shprehur simpatinë që e ka ndaj reperit Don Xhoni-t.
Lirey e cila vazhdimisht ka postuar video e fotografi të reperit nga Kosova së fundi ka treguar se ka bërë një tatuazh për të. E ndjekur nga 200 mijë njerëz në Instagram, ja ka prezantuar tatuazhin e bërë për Xhonatan Isufin (emri i vërtetë) edhe ndjekësave të saj.
“Në vend të mijëra fjalëve boshe”, ka shkruar Lirey bashkangjitur me fotografinë duke etiketuar Don Xhonin.
Ai e ka ripostuar foton e tatuazhit dhe ka shkruar:
“Dhurata më e bukur nga njeriu më i mirë. Të dua”, bashkangjitur fotos së tatuazhit.
Reperi në anën tjetër po vazhdon të marrë vëmendje të madhe e të jetë njëri ndër më të pëlqyerit në treg.
