SHBA– Firma amerikane e zhvillimit të vaksinave Moderna po ushtron presion ndaj BE-së për nënshkrimin e shpejtë të kontratës për 80 milionë doza. Vetëm pak ditë pas njoftimit se vaksina e Moderna-s rezultoi 94.5% efikase, mediat ndërkombëtare shkruajnë se nëse Europa nuk firmos kontratën, dozat do të kalojnë vetëm në duart e Zvicrës.
Kjo pasi Bashkimi Europian, ende nuk dihet nëse do të ketë qasje në të. Shefi i Moderna-s, Stéphane Bancel, është duke ushtruar presion ndaj Brukselit dhe ka kërkuar hapa konkretë.
Komisioni Europian ka zhvilluar bisedime intensive gushtin e kaluar me firmën amerikane dhe kishte rënë dakort për blerjen e 80 milionë dozave, por deri më tani nuk është nënshkruar ende një kontratë. Gjithsesi, firma amerikane e vaksinave, vijon me marrëvehsjet me vendet e tjera. Konkreithst, me Kanadanë, Japoninë, Izraelin, Katarin dhe Mbretërinë e Bashkuar, përjashto dhe SHBA-në që pritet të marrë 100 milinë doza nga kjo vaksinë.
Ekzekutivi francez i laboratorit amerikan, ndërsa siguroi se sasia e premtuar nuk do të cenojë cilësinë, paralajmëroi se do të ketë vonesa.
“Sa më shumë që të vonohet nënshkrimi i kontratës, aq më shumë doza vaksinash do të dërgohen më parë në vende të tjera,”- paralajmëroi Bancel. Vaksina e Moderna mund të ruhet në minus 20 gradë C deri në gjashtë muaj dhe mund të mbahet në një frigorifer standard për deri në një muaj, krahasuar me Pfizer që kërkon një temperaturë ekstreme si minus 75 gradë C. Vaksina e Moderna-s është provuar në 30 mijë njerëz në Shtetet e Bashkuara të Amerikës, 15 mijë prej të cilëve kanë marrë 2 doza të vaksinës në 4 javë diferencë.
Vaksina e kompanisë amerikane është e treta vaksinë që pritet për të trajtuar COVID-19. Më herët, Pfizer dhe BioNTech njoftuan se kishin mundur të krijonin një vaksinë me 90% efektivitet, që është në pritje të aprovimit nga autoritetet amerikane për marrjen e një license.
