Ditën e sotme në Itali u godit një grup kriminal shqiptaro-italian që merrej me trafikimin e lëndëve narkotike të llojit kokainë dhe kanabis. Në total u lëshuan 13 urdhër-arreste, mes të cilëve, edhe këngëtarja shqiptare Elsa Lila. Mediat italiane shkruajnë se Lila kishte rolin “ekonomistes” së grupit kriminal. Më poshtë, shihet momenti kur Policia e Romës ka arrestuar këngëtaren e njohur shqiptare, Elsa Lila. Siç duket nga pamjet e publikuara nga mediat italiane, Lila mban në kokë një kapelë rozë.
Si pjesë grupit, është vënë në pranga edhe boksieri shqiptar Petrit Bardhi, i cili është i përfshirë edhe në një tjetër operacion të zhvilluar në vitin 2015 po për trafik droge. Gjatë operacionit të policisë italiane u sekuestruan 5 kilogramë kokainë dhe 125 kilogramë kanabis. Anëtarët e grupit kriminal kishin në përdorim disa lokale ku mblidheshin, si dhe disa magazina dhe bodrume ku mbanin lëndën narkotike.
