Biznesmeni dhe deputeti Vullnet Sinaj në rrëfimin e tij me gazetaren Albana Qirjako ka treguar vendimin më të vështirë që i është dashur të marrë. Atë vendim që ka ndryshuar gjithë rrjedhën e jetës së tij përgjithmonë.
Ka qenë momenti kur duhet të zgjidhte ndërmjet qëndrimit të tij në Shqipëri, duke vazhduar punës si ushtarak, apo emigrimit në Itali për të siguruar një jetësë më të mirë, duke lënë pas gjithçka duke udhëtuar drejt të panjohurës, emigrimit në Itali, ku Sinaj zgjodhi të dytën.
Deputeti Sinaj ka ndarë me teleshikuesit një moment shumë të vështirë të jetes së tij në kohën kur ka qënë emigrant në Itali. Ai tregon se i është dashur të largohet nga Shqipëria duke lënë familjen e tij, dhe vajzën e porsalindur asohohe, Enxhin.
Sinaj tregon se ka mundur të kthehet vetëm pas një viti, ndërkohë me sytë duke lotuar kujton që nuk ka mundur dot të njohë vajzën e tij, e cila ishte afro një vjeçe. Kjo histori tregon vështirësitë e shqiptarëve të atyre viteve, sakrificat e kaluara në emigracion, për të siguruar një jetë më të mirë për familjet e tyre.
Është realiteti i shumë familjeve shqiptare, i intelektualëve, punëtorëve, që braktisën vendin, të dashurit e tyre, punët dhe gjithçka tjetër, duke u nisur drejt të panjohurës, emigracionit të vështirë, duke pasur me vete vetëm një gjë, shpresën për një të ardhme më të mirë!
