TIRANË– Mjeku infeksionist, Pëllumb Pipero, është infektuar me koronavirus. Të martën, rezultati i testit të tij ka dalë pozitiv, 14 ditë pasi ka marrë dozën e parë të vaksinës Pfizer. Mjeku për momentin është në gjendje të mirë shëndetësore. Pipero ka vetëm simptoma të lehta, si temperaturë apo dhimbje koke.
Ky është rasti i parë në vend që një person infektohet me Covid pasi ka kryer vaksinën ‘Pfizer’.
Doza e dytë e vaksinës ‘Pfizer’ merret pas tre javësh nga ajo e para, ndaj nuk dihet se si do të veprohet me rastin e mjekut Pipero i cili është infektuar sërish. Para dy javësh ishte mjekja Najada Çomo e para që mori dozën e parë të vaksinës kundër Covid, ndërsa Rama i dyti duke i pasuar më pas nga mjeku.
975 ishin dozat e vaksinës ‘Pfizer’ që erdhën në Shqipëri para disa javësh, ndërkohë që u bë e ditur se do ishin mjekët të parët që do vaksinohen.
