Europë- Që prej ditës së djeshme rrugët në Londër dhe Berlin janë të bllokuara nga dëbora e madhe. Në veri dhe lindje trashësia e dëborës arrin deri në 15 centimetra.
E gjithë Europa është e bllokuar nga dëbora e madhe. I ftohti pritet të mbetet intensiv. Reshjet e dëborës kanë vazhduar gjithashtu edhe në vende të tjera europiane si Belgjikë, Danimarkë duke kaluar nga Europa Qendrore.
Disa qendra vaksinimi kundër koronavirusit janë mbyllur, në Ipswich dhe Colchester veçanërisht, ndërkohë që vendi, aktualisht i kufizuar, vazhdon fushatën me ritme të shpejta me objektivin për të mundësuar lehtësimin gradual të kufizimeve. Disa shkolla, që janë hapur aktualisht vetëm për fëmijët të shtresave të ndjeshme dhe të punonjësve thelbësorë, janë mbyllur gjithashtu në juglindje të Anglisë dhe në Lincolnshire.
Në Gjermani dhjetëra shoferë kanë kaluar natën në automjetet e tyre, të bllokuar nga dëbora në një autostradë në veriperëndim të Gjermanisë, njoftoi sot policia lokale. Situata paraqitet e vështirë në një pjesë të madhe të Britanisë së Madhe, në jug nga Anglia në Skoci në veri duke kaluar nga një pjesë e Irlandës së Veriut.
