TIRANË– Jemi në muajin prill, por në Veri të Shqipërisë dhe jo vetëm, ka reshje dëbore. Bulqiza është përfshirë nga reshje shiu dy ditët e fundit, ndërsa reshjet e dëborës kanë nisur në lartësinë 500 metra mbi nivelin e detit në qytet. Shumë fshatra të thella në njësisë administrative Martanesh, Zerqan, Ostren, Trebisht janë mbuluar nga dëbora. Probleme ka pasur në linjat e transmetimit të tensionit të mesëm dhe atë të ulët në zonat e thella. Edhe në qarkun e Korçës paraqëitet e njëjta situatë. Mësohet se zonat në lartësinë mbi 1 mijë metër mbi nivelin e detit janë zbardhur nga reshjet. Dëbora ka krijuar vështirësi në qarkullimin e mjeteve. Reshje me intensitet më të larte ka pasur në aksin rrugor që lidh Boboshticën me Dardhën, ku trashësia ka shkuar në 10 cm. Vithkuqi, Shtylla e Voskopoja janë përfshirë nga reshjet e dëbirës gjithashtu.
Lëvizja e mjeteve në Urën e Shtrezës është bllokuar për shkak të shembjes së ures. Policia rrugore ka bllokuar qarkullimin me vendosjen e blloqeve të betonit në dy anet e ures. Po mendohet hapja e nje by pas-i te rruga e vjeter ndërkohe që udhëtarët që duhet të përdorin këtë aks, duhet të shfrytëzojnë pikën e kalimit kufitar Shishtavec-Krushevë per te levizur me pas ne rrugen Krusheve-Dragash-Morine-Kukes për të ardhur në Kukës apo për të shkuar në Shishtavec, qe do te thote kalimin e dy pikave te kalimit kufitare ate te Shishtavecit dhe Morinit.I gjithe segmenti i rruges Kukes-Shishtavec qe pershkon Gryken e Vanave ka rrëshqitje masive, te cilat ndodhin ne mot me reshje shiu e ne raste sporadike shkarjet e gureve ndodhin edhe ne mot te thate. Meterologia, Lajda Porja është shprehur se ditët në vijim do të jenë gjithashtu të ftohta e me reshje shiu e dëbore. Në një lidhje live për “Top Channel”, ajo tha se reshjet kanë qenë të përqendruara në zonat veriore dhe verilindore duke sjellë prurje të shumta në liqenin e Fierzës, Vaut të Dejës dhe Komanit, të cilat ishin të domosdoshme. Sipas meteorologes, intensiteti do të jetë më i lartë në zonat veriore dhe verilindore.
Ndërsa mbrëmjen e sotme tre persona kanë mbetur të plagosur si pasojë e një aksidenti që ka ndodhur mbrëmjen e sotme në Gjirokastër, për shkak të lagështirës në rrugë. Mësohet se ngjarja ka ndodhur në rrugën nacionale Tepelenë-Gjirokastër, në vendin e quajtur “Gërhot”. Konkretisht automjeti tip “Ford”, me drejtues E. D., rreth 20 vjeç, banues në Gjirokastër, ka dalë nga rruga dhe është përplasur me bordurën anësore. Për pasojë është dëmtuar drejtuesi i automjetit, i cili u transportua në spitalin Rajonal Gjirokastër për të marrë ndihmën mjekësore, si dhe kanë marrë dëmtime të lehta 2 pasagjerët që ndodheshin në automjet. 20-vjeçari mësohet se është në gjendje të rëndë pasi ka marrë dëme të mëdha në gjymtyrë.
