Kane Tanaka, personi më i vjetër në botë, ka ndërruar jetë në Japoni në moshën 119-vjeçare, sipas një deklarate të publikuar nga Ministria e Shëndetësisë, Punës dhe Mirëqenies së Japonisë.
Tanaka lindi më 2 janar 1903 dhe vdiq më 19 prill, tha ministria. Rekordet Botërore të Guinness thanë se u trishtuan kur dëgjuan për vdekjen e Tanaka-s. “Ajo u bë personi më i vjetër i gjallë në janar 2019 në moshën 116 vjeç e 28 ditë,” shkroi Guinness në Twitter.
“Ajo është gjithashtu personi i dytë më i vjetër i regjistruar ndonjëherë, pas Jeanne Calment, që jetoi deri në moshën 122-vjeçare”.
E lindur në vitin 1903, Tanaka u martua me një pronar dyqani orizi në moshën 19-vjeçare dhe punoi në dyqanin e familjes deri në moshën 103-vjeçare. Ajo i mbijetoi dy herë kancerit dhe jetoi një sërë ngjarjesh historike, përfshirë dy Lufrat Botërore, gripin spanjoll të vitit 1918 si edhe pandemisë së Covid-19.
Rekordet Botërore Guinness thanë se “titujt e personit më të vjetër që jeton dhe gruas më të vjetër aktualisht janë duke u hetuar” dhe se detaje të mëtejshme do njoftohen më vonë.
