ANGLI-Vrasësi famkeq i Anglisë, Peter Sutcliffe ka humbur jetën dje. Lajmin e kanë bërë të ditur mediat angleze, të cilat thonë se dëshira e tij e fundit ishte që ish-gruaja e tij të merrej me organizimin e funeralit. Sipas vëllait të vrasësit serial, Peter ishte shumë i fiksuar me gruan e tij, madje edhe pas ndarjes së tyre ai vazhdonte, që ta pikturonte atë dhe veten në piktura.
Peter dhe ish-partnerja e tij, Sonia janë takuar në një pijetore në vitin 1966. Ata u martuan në 1974-ën ku pas kësaj dite Peter e konsideronte Sonian si anëtaren e tij të vetme në familje edhe pse kishte dhe familjarë të tjerë. Vëllai i tij u shpreh se sapo të marrin trupin nga burgu do të kontaktojë ish-gruan e tij, për të bërë organizimin e cereminisë mortore. Ai gjithashtu u shpreh se Sonia, me të cilën, ai është ndarë dhe ri-bashkuar disa herë do të jetë trashgimtarja e vetme e pasurisë së tij. Më tej, vëllai i tij tha se në momentin që nëna e Sonias vdiq ai i kërkoi atij që të merrtë pjesë e varrimi i saj si përfaqëuesi i tij, pasi vetë ishte në burg.
Peter Sutcliffe është konsideruar si një nga vrasësit serial me të rrezikshëm në të gjithë Anglinë. Ai u akuzua për vrasjen e 13 grave dhe për tentativën për të vrarë 7 të tjera në Bradford. Peter mori 20 dënime të njëpasnjëshme dhe në 2010 u dënua me burg të përjetshëm.
