Nesër do të “vendoset” fati i Shqipërisë në lidhje me çeljen e negociatave për anëtarësim në Bashkimin Europian. Në një videokonferencë, deputetja Rudina Hajdari dhe Taualnt Balla do të duhet që të bindin Holandën që të japë “po-në” e saj në konferencën ndërqeveritare.
Komiteti i përhershëm për Çështjet Evropiane i ka dërguar një numër pyetjesh Ministrit të Punëve të Jashtme, të cilat kanë lidhje kryesisht me krimin e organizuar dhe me luftën e qeverisë shqiptare ndaj tij. Gjithashtu nga Holanda kërkohen detaje edhe lidhur me politikat e Jashtme që ndjek Shqipëria, për t’u siguruar se jemi në të njëjtën linjë.
SKENARI dhe PYETJET
Në Këshillin e Çështjeve të Përgjithshme të datës 24 Mars 2020, u miratuan konkluzionet e mëposhtme: “Para konferencës së parë ndërqeveritare, Shqipëria duhet të miratojë reformën zgjedhore në përputhje të plotë me rekomandimet e OSBE / ODHIR, të sigurojë financim transparent të partive politike dhe fushatave elektorale, zbatimin e mëtejshëm të reformës gjyqësore, duke përfshirë sigurimin e funksionimit të Gjykatës Kushtetuese dhe Gjykatës së Lartë, duke marrë parasysh ekspertizën përkatëse ndërkombëtare, duke përfshirë mendimet përkatëse të Komisionit të Venecias, dhe përfundimin e krijimit të specializimit strukturat anti-korrupsion dhe krimi i organizuar.
A mund të hyni në secilën prej këtyre pikave veçmas dhe të na tregoni se si Shqipëria aktualisht i ka arritur objektivat?
Cilat janë nivelet e krimit të organizuar në Shqipëri? (Numri i arrestimeve? Sasia e drogës dhe armëve të sekuestruara?
Sa shqiptarë janë dënuar në Holandë gjatë dy viteve të fundit?
Sa shqiptarë u dëbuan nga Holanda në dy vitet e fundit?
Çfarë ka bërë Shqipëria në të vërtetë gjatë vitit të kaluar për të luftuar korrupsionin?
A mund të shpjegohet se në çfarë aspekte korrespondojnë politikat e jashtme të Shqipërisë dhe Maqedonisë së Veriut pasi ndoshta ndryshojnë nga Bashkimi Evropian?
Pasi shtetet anëtare të kenë miratuar kornizat negociuese për Shqipërinë dhe Maqedoninë e Veriut, Presidenca e Këshillit të Bashkimit Evropian do të paraqesë pozicionin e përgjithshëm të BE-së duke vendosur edhe datën për konferencën e parë ndërqeveritare me secilin vend. Nëse të gjithë vendet anëtare janë “po-në” e tyre shënohet edhe fillimi zyrtar të negociatave të pranimit. Megjithatë votat e vendeve anëtare të BE-së duket të jenë të gjithë pro për të bërë të mundur afrimin e Shqipërisë dhe Maqedonisë së Veriut me familjen e BE-së.
