Tiranë- Mëngjesin e sotëm trafiku në kryeqytet do të jetë i rëndur, pas bllokimit të disa rrugëve në zonën e Unazës së Madhe, me rinisjen e shembjes së disa objekteve tek zona e Astirit.
Drejtori i Policisë së Tiranës, Rebani Jaupaj dha detaje për lëvizjen e mjeteve, i cili u bëri thirrje qytetarëve që të futen në Tiranë nga rruga e vjetër Ndroqit, pasi në këtë mënyrë mund të shmanget fluksi i madh.
“Ne do të bëjmë ndryshim të planit të veprimit të policisë. Do të shkojmë forcat e policisë. Bashkia do na vijë në ndihmë me korsinë e emergjencës. Do mbajmë një korsi emergjencash ndërsa pjesën tjetër do ta menaxhojmë në tre korsi hyrjen në Tiranë. Do të menaxhojmë këtë trafik dhe kërkojmë mirëkuptimin e qytetarëve. Rruga e Elbasanit do të na ndihmojë. I bëj thirrje drejtueseve të mjeteve që e kanë të domosdoshme të vijnë në Tiranë të gjejnë rrugë alternative. Mund të aksesohet edhe rruga e Ndroqit. Qytetarët të eliminojnë lëvizjet e pa domosdoshme nga dogana. Të përdoret edhe rruga nga Rrogozhina deri në Elbasan
Njoftimi:
IKMT prish 20 objekte në gjurmën e Unazës së Madhe Inspektorati Kombëtar i Mbrojtjes së Territorit prej mëngjesit të sotëm ka nisur prishjen e 20 objekteve në gjurmën e Unazës së Madhe, Loti III (Astir). Objektet janë të madhësive nga dy deri në katër kate, me funksione të ndryshme. Një pjesë e tyre janë shpronësuar sipas legjislacionit në fuqi, ndërsa një pjesë janë skualifikuar. Deri tani, aksioni i IKMT ka vijuar i qetë.
Ministrja e Infrastrukturës dhe Energjitikës, Belinda Balluku u shpreh se do të fillojë dhe shembja e ndërtesave për t’i hapur rrugë ndërtimit të lotit të tretë të rrugës dhe se punimet do të zgjasin përreth 4 muaj. Kështu, gjatë kësaj periudhe trafiku do të vijojë të mbetet i kufizuar.
