Vlorë- Ditën e sotme në qytetin bregdetar pritet të vaksinohen 320 persona, mes tyre pedagogë. Ditën e sotme raportohet se do të marrin injeksionin e vaksinës AstraZeneca, 185 persona ndërsa pjesa tjetër do të vaksinohet ditën e nesërme.
Që kur EMA tha se vaksinat e AstraZenecas janë të sigurta, nuk ka pasur më hezitime nga radhët e mësuesve dhe pedagogëve.
Gjithsej në qytetin e Vlorës që nga data 18 shkurt janë vaksinuar 5 mijë e 559 persona, mes të cilëve 658 kanë qenë mjekë. Pjesa tjetër e të vaksinuarve kanë qenë pjesë e “bluzave të bardha”, mësues, pedagogë apo të moshuar.
