SHKODËR– Një avion i vogël privat ka pësuar avari dhe ka bërë një ulje të detyruar në livadhet e Vermoshit në zonën e Malësisë së Madhe. Mësohet se ngjarja është regjistruar mesditën e sotme. Avioni i vogël privat ka pësuar një defekt në ajër dhe është detyruar të ulet, por si pasojë e përplasjes me tokën, nuk ka persona të lënduar.
Fotot e publikuara nga Realiteti Post tregojnë avionin në livadhet e Vermoshit. Dy personat që ndodheshin brenda tij, piloti dhe pasagjeri janë larguar nga vendi i ngjarjes. Mësohet se pas aksidentit që kanë pësuar, dy personat kanë njoftuar një të tretë që ka ardhur t’i marrë me makinë.
Avioni i rrëzuar në Vermosh
Ata kanë hipur në mjet dhe janë larguar nga Vermoshi, duke mos lënë pas asnjë gjurmë që mund të ndihmojë në identifikimin e tyre. Edhe vetë avioni që ka mbetur në livadh nuk ka asnjë shenjë identifikuese.
