NAPOLI– Mijëra të rinj napoletanë kanë dalë në protestë kundra masave të ndalim-qarkullimit dhe hipotezave për një mbyllje tjetër për shkak të Covid-19. Protesta u thirr nga mediat sociale dhe kështu nga e gjithë qendra e grupeve të të rinjve në Napoli dhe jo vetëm, marshuan drejt Largo San Giovanni Maggiore dhe Universitetit Lindor të Napolit.
Ky rebelim civil u nxit nga deklaratat e Presidentit, Vincenzo De Luca. Gjatë protestës ekzistuan dy banderola kryesore: “Na mbyllni dhe na paguani”, dhe pastaj “Kundër De Luca”. Bllokimi i rrugëve u bë gjithashtu në rrethin Chiaiano, pranë stacionit të metrosë.
Në protestë pati dhe shumë sulme fizike nga ana e njerëzve dhe forcave policore.
Shumica e protestuesve ishin të rinj, kryesisht biznesmenë dhe tregtarë, ndërsa marshuan në rrugë duke djegur dhe shkatërruar qytetin, ku nuk kanë munguar edhe përplasjet e dhunshme.
Autoritetet përdorën gaz lotsjellës dhe tymuese për t’i shpërndarë ata, por nuk zmbrapseshin lehtë, pasi një grup demonstruesish janë parë duke goditur dhe thyer xhamat e një makine efektivësh.
Shumë të rinj, të cilët, duke sfiduar shtetrrethimin që filloi në orën 11:00, dolën në rrugë me skuter duke u rënë borive dhe duke drejtuar parulla dhe fyerje kundër guvernatorit. “Disa ditë më parë politikanët na kërkonin për të marrë votat, tani në pengesën e parë na mbyllin dhe na braktisin”, dëgjoheshin duke thirrur protestuesit.
“Covid nuk po na vret, ju po na vrisni”, ishin thirrjet e disa protestuesve.
