Autoritetet në Kuba kanë hapur një muze për të shënuar 5 vjetorin e vdekjes së ish diktatorit Fidel Castro.
Një bust i Fidel Castros nga Xi Jinping i Kinës, xhipi i ushtrisë me të cilin përshkoi Kubën, çizmet dhe pushka e tij e prodhimit rus janë vetëm disa nga pasuritë e liderit kuban që për një kohë të gjatë do të qëndrojnë të ekspozuara në muze.
“Centro Fidel Castro”, ndodhet në një rezidencë elegante në lagjen e pasur Vedado të Havanës.about:blank
Qeveria e drejtuar nga komunistë thotë se shpreson se qendra do të ndihmojë në përhapjen e mesazhit të Kastros tek vizitorët vendas dhe të huaj.
“Castro Center nuk është një kult për personalitetin e Fidel Castros. U ndërtua që të njihet jeta e tij, mendimi, puna, shembulli i tij. Nuk është një qendër indoktrinimi. Është një qendër për të dhënë informacion, mëson, informohen dhe krijon vlera te njerëzit”, u shpreh Alberto Alvarino, Shef i trashëgimisë dokumentare në Pallatin e Revolucionit.
Në muze ka një amfiteatër, kopsht si dhe një bibliotekë të gjerë, ku gjenden libra të shkruar nga banori i dikurshëm i ishullit romancieri Ernest Hemingway.
Vdekja e Fidel Kastros mbylli një kapitull të gjatë dhe të trazuar në historinë e Amerikës Latine. Udhëheqësi u kritikua nga Shtetet e Bashkuara dhe aleatët për diktaturë, por u admirua nga shumë të majtë në mbarë botën, veçanërisht në Amerikën Latine dhe Afrikë.
