Drejtuesit më të lartë turq kanë dënuar fuqimisht karikaturat e Charlie Hebdo për presidentin turk Rexhep Taip Erdogan, duke i quajtur ato një përpjekje të shëmtuar për të nxitur racizmin kulturor dhe urrejtjen.
“Ata thjesht po tregojnë vulgaritetin dhe imoralitetin e tyre. Është sulm në të drejtat e njeriut, nuk mund të jetë kurrë humor apo liri shprehjeje”, tha Ibrahim Kalin.
Karikatura në kopertinën e Charlie Hebdo, tregon Erdoganin të ulur në një bluzë të bardhë dhe në rroba të brendshme, duke mbajtur pije alkoolike në duar së bashku me një grua të veshur me një hixhab.
Përgjegjësi për shtyp i presidentit turk Fahrettin Altun tha se ky postim është fryt i axhendës ë Macron.
“ ne e dënojmë fuqishëm këtë përpjekje të ulët për të shpërndarë urrejtje dhe racizëm kulturor,” tha Altun.
Erdogan kritikoi ashpër Macronin në fundjavë, duke thënë se lideri francez kishte nevojë për një kontroll të shëndetit mendor, duke e shtyrë Francën të tërheqë ambasadorin e saj nga Ankaraja. Të hënën, Erdogan kërkoi bojkot të produkteve franceze.
Karikaturat e Profetit Muhamed, të konsideruara si blasfemi nga myslimanët, janë shfaqur në Francë ditët e fundit dhe Macron ka thënë se ai do të dyfishojë përpjekjet për të ndaluar besimet konservatore Islame të cenojnë vlerat Franceze, duke zemëruar shumë myslimanë.
