Zbardhen detaje të reja nga personat e arrestuar për tentativën e vrasjes së biznesmenit të ndërtimit Andon Dhima në 15 tetor 2020 në pallatin e tij në Tiranë. “Shqiptarja.com” mëson se njëri nga autorët kryesorë që kishte marrë përsipër të kreynte vrasjen është Albin Hoxha, 35-vjeçari që më parë ka shërbyer si ushtar komando në repartin special të ushtrisë Zall-Herr.
Albin Hoxha, ka qënë në detyrë gjatë viteve 2006-2007 në këtë repart special dhe sipas policisë njihet si person profesionist për sa i përket armëve. Albin Hoxha dhe personat e tjerë janë identifikuar falë kamerave të pallatit, ku ata jetonin pasi policia dhe prokuroria e Tiranës, kanë gjurmuar nëpërmjet kamerave të bizneseve dhe pallateve të gjithë intenerarin e 4 personave që kishin marë pjesë në tentativën e vrasjes së biznesmenit Andon Dhima. “Shqiptarja.com” zbulon dhe foto të kameras që ka shërbyer për identifikimin e Albin Hoxhës dhe Mariglen Matohitin.
Motra e këtij të fundit,Gerta Matohiti, disponon një restorant peshku “Vila e Peshkut”, shumë pranë pallatit ku banon dhe Albin Hoxha, prapa godinës së ambasadës Gjermane në Tiranë. Fotografi që shihni janë të restorantit, ku burimet pranë policisë thanë se kamerat në restorant ekzistonin, por autorët kishin hequr DVR-në që shërben për ruajtjen e kamerave. Albin Hoxha dhe Mariglen Matohiti janë zbuluar pikërisht nga kamera në hyrjen kryesorë të pallatit të cilët janë kapur teksa hyjnë në pallat dhe më pas janë filmuar sërisht teksa dalin, por këtë herë jo me maska plastike dhe kapele por të zbuluar totalisht nga fytyra.
Kjo ka sjellë dhe identifimin e qartë të tyre duke bërë që policia të ndërhyjë në kryerjen e arrestimit të 4 personave Albin Hoxha dhe Grid Lenon në rolin e ekzekutorit dhe Enea Hoxha e Mariglen Matohiti në rolin e vëzhguesit. Për arrestimin e tyre agjentët e komisariatit nr.2 në Tiranë kanë zgjedhur një skemë shumë delikate, pasi i kanë marë në telefon duke u prezantuar si banorë të lagjes dhe se u nevojitej që të zbrisnin poshtë pallatit për tia hapur rrugën, pasi i kishin bllokuar me makinë. Sapo ish-komandoja Albin Hoxha dhe shoku i tij Grid Lenon, kanë zbritur nga apartamenti dhe kanë hipur në makinë, me qëllim hapjen e rrugës, menjëherë policia ka vepruar duke i pohuar se ishin të arrestuar. “…një skemë e tillë u ndoq pasi kishim të dhëna se Albin Hoxha dhe Grid Lenon, ishin persona të armatosur dhe kishin përgatitje profesionale më armët e zjarrit. Ndaj zgjodhëm një skemë të tillë për ti futur në kurth, duke menduar të prezantojnë agjentët si banorë të lagjes.
Dy dy objektivat tona kanë zbritur të qetë nga pallatit dhe pa armë, dhe sapo janë futur në makinat përkatëse, është kryher ndërhyrja nga ana jonë…”-tha një burim pranë policisë së Tiranës. Ndërkohë dy personat e tjerë që kanë qënë në rol bashkëpunimi si vëzhgues janë arrestuar në banesat e tyre. Gjatë kontrollit policia dhe prokuroria gjetën sendet e paligjshme dhe armën e zjarrit.Burimet shtuan deri në këtë fazë të hetimit këta individë janë shtyrë nga një grup kriminal në Tiranë, për të kryer ekzekutimin e biznesmenit Andon Dhima, pikërisht në hyrje të pallatit që ai vetë ka ndërtuar në zonën e stadiumit “Selmas Stërmasi”.
Ditën e sotme katër të arrestuarit dalën para gjyatës së Tiranës, ku u njohën me masën e sigurisë “arrest në burg” që kërkoi përfaqësuesi i prokurorisë. Gjatë marjes në pyetje asnjëri prej tyre nuk ka pranuar të bashkëpunojë me policinë dhe prokurorinë.
Marrë nga Shqiptarja.com
