Eurovision Song Contest do të zhvillohet në Britaninë e Madhe vitin e ardhshëm, pasi organizatorët e shfaqjes vendosën se nuk mund të mbahej në vendin fitues, Ukrainë.
Lufta e vazhdueshme pas pushtimit rus bëri që Unioni Evropian i Transmetuesve (EBU) të kërkonte një mikpritës alternativ. Sam Ryder i Britanisë së Madhe doli i dyti këtë vit, gjë që bëri që EBU të hapte bisedimet me BBC-në muajin e kaluar. Disa qytete në Mbretërinë e Bashkuar kanë shprehur tashmë interes për të pritur festivalin.
Mbretëria e Bashkuar ka një numër vendesh me arena të përshtatshme, akomodim dhe lidhje transporti ndërkombëtar; Londra, Sheffield dhe Mançester tashmë kanë konfirmuar se do të bëjnë një ofertë zyrtare. “Ne u jemi mirënjohës partnerëve tanë të BBC që treguan solidaritet me ne,” tha Mykola Chernotytskyi, kreu i transmetuesit publik të Ukrainës, UA:PBC.
Procesi i tenderit për të vendosur se në cilin qytet do të mbahet Eurovizioni do të fillojë këtë javë.
