Epidemiologu, Ilir Alimehmeti, është shprehur se ka një rënie të rasteve të reja nga Covid-19 në vend. Në një intervistë për A2 ai ka thënë se ditët e fundit janë ulur shtrimet në spital dhe humbjet e jetës.Ndër të tjera ai ka thënë se në kushtet epidemiologe në të cilat ndodhet Shqipëria, nuk nevojitet ashpërsim i masave. Sakaq ai ka folur dhe për shkeljen e rregullave të Covid-19 gajtë festave të Vitit të Ri dhe për këtë sipas tij fajin e ka policia, dhe organet e tjera që nuk kanë ndërhyrë për të zbatuar masat e komitetit të ekspertëve.
Ekspertët kanë parashikuar se efekti i grumbullimeve për festat e fundvitit do të ndihet pas 3 javësh ku pritet një rritje e të infektuarve.
Më e rëndësishme është rënia e përqindjes së pozitivitetit që tashmë është 20%, në krahasim me një muaj më parë që ishte 38%, gati është përgjysmuar ky tregues. Nga pikëpamja epidemiologjike ne kemi zbritje të rasteve dhe në këtë situatë nuk mund të kemi ashpërsim të masave. Komiteti Teknik sugjeron masat, zbatimin e bëjnë organet e tjera. Janë inspektorët dhe policia që duhet të bëjnë detyrën e tyre. Pse nuk e ka bërë? Duhet t’u drejtohemi atyre. Të gjithë po prisnim se si do të kombinoheshin gripi dhe Covid, por nuk shohim raste me grip. Në fakt, kur shfaqen koronaviruset, fuqia e gripit bie. Këtë e vumë re edhe në vendet e hemisferës jugore dhe veriore, ku nuk kishte bashkëveprim shumë të madh mes tyre”. tha Alimehmeti.
Që prej fillimit të pandemisë deri më tani në vendin tonë kanë humbur jetën 1210 persona ,sakaq janë infektuar 60, 283 të tjerë.
