Zyrtari i lartë i Policisë së Shtetit, Besim Shabani shkarkohet nga vettingu në Polici.
Mësohet se Besim Shabani me funksion Zv/Drejtor në Drejtorinë për Sigurinë Fizike të Personaliteteve të Larta Shqiptare dhe familjarëve të tyre në Gardën e Republikës nuk ka mundur të kalojë vettingun dhe trupa e vlerësimit e përbërë nga Ledian Rusta, Luljeta Qoku, Sonila Kadareja ka vendosur shkarkimin e tij.
Besim Shabani drejtonte njësinë e sigurisë fizike të Personaliteteve të larta shtetërore.
Shabani është shkarkuar për probleme me pasurinë. Komisioni i Jashtëm të Vlerësimit kërkoi një dokument qe Shabani të justifikoje pasurinë prej 20 mijë dollarë që sipas tij ia ka sjellë nga vëllai nga Amerika. Këtë shumë ai e ka përdorur në blerjen e shtëpisë.
Sipas KJV ai nuk ka arritur që të provojë ligjërisht ndihmën e të vëllait, nga ana tjetër nuk ka deklaruar disa përfitime në interesa bankare. Subjekti ka përfituar disa interesa bankare në vlerën e 1563 dollarë, të cilat si ka treguar.
Ndërkaq KJV e ka nxjerrë të pastër në figurë dhe nga ana profesionale Shabanin, Lidhur problemet me pasurinë Shabani është justifikuar duke thënë se nuk kishte qëllim që ti fshihte të dhënat por nuk ka pasur dijeni si plotësohet formulari.
