Tiranë- Presidenti Ilir Meta ka publikuar të dhënat e përpunuara nga ‘Zëri i Amerikës’, ku tregohet se numri i të infektuarve është 20.4 % më i lartë se java e fundit.
“COVID-19 nuk ndalet me propagandë,” shprehet Meta ku shton nevojën e një plani të qartë për menaxhimin e situatës.
STATUSI I PLOTE
Sipas të dhënave zyrtare të përpunuara nga “Zëri i Amerikës”, numri i të prekurve nga pandemia arriti në 4830, ose 20.4 përqind më shumë se një javë më parë.
Ky është niveli më i lartë i shënuar, që pas javës së dytë të dhjetorit.
Nevojitet një plan i qartë, që duhet ta kishim prej kohësh, për menaxhimin efikas të situatës, përmirësimin e prekshëm të kushteve në spitale, rritjen e masave mbrojtëse për mjekët e infermierët dhe veçanërisht për vaksinimin e popullatës.
COVID-19 nuk ndalet me propagandë.
Shëndeti dhe jeta e shqiptarëve duhet të jenë prioritet absolut. 🇦🇱
