U bë e ditur se mbrëmja e ndarjes së çmimeve Oscars 2021 do të mbahej në datën 25 prill, por ceremonia është shtyrë!
Organizatorët kanë vendosur të bëjnë edhe këtë vit një ceremoni siç i ka hije një shfaqjeje të tillë si Oscars, duke respektuar rregullat e distancimit social. Sidoqoftë, një lajm i publikuar së fundmi ishte i mjaftueshëm që të kuptonim se do të jetë një mbrëmje e paharrueshme.
Brad Pitt do të jetë një nga drejtuesit! Së bashku me Brad Pitt, janë njoftuar prezantues dhe mysafirë të tjerë shumë të dashur. Pitt do të shoqërohet në skenë me Harrison Ford, Zendaya, Reese Witherspoon dhe Halle Berry. Do të shfaqen gjithashtu Laura Dern, Regina King dhe Joaquin Phoenix si dhe regjisori i ‘Parasite”, Bong Joon Ho, i cili triumfoi vitin e kaluar.
Mbrëmja nuk do të zhvillohet tërësisht në Teatrin Dolby në Hollywood, ku mbahet zakonisht. Këtë vit, është planifikuar një tjetër vendndodhje kaliforniane: Union Station në qendër të Los Angeles. Formati i këtij edicioni të 93-të të Academy Awards ka qenë subjekt i shumë debateve: Pandemia nuk lejon një shfaqje të zakonshme sigurisht, por, në të njëjtën kohë, prodhuesit preferojnë që kandidatët të marrin pjesë personalisht, sesa përmes Zoom.
Përmes një transmetimi live, aktorja Priyanka Chopra dhe muzikanti e aktori Nick Jonas kanë prezantuar emrat e filmave, aktorëve, regjisorëve e producentëve të nominuar për këtë vit.
