PAKISTAN-Rregullatori i barnave në Pakistan ka miratuar vaksinën anti-Covid të Oxford-AstraZeneca, për përdorim emergjent në vend, duke e bërë kështu vaksinën e parë që lejohet të përdoret në vendin e Azisë Jugore. Lajmi është konfirmuar nga Ministri i Shëndetësisë i vendit, Faisal Sultan.
“DRAP i dha autorizim përdorimi urgjent vaksinës AstraZeneca Covid,”-ka thënë ministri i shëndetësisë i vendit, Faisal Sultan.
Vendi është në mes të një vale të dytë infeksionesh dhe ka planifikuar që të marrë më shumë se një milionë doza të vaksinës kineze Sinopharm, edhe pse ende nuk është miratuar nga Autoriteti Rregullator i Barnave të Pakistanit (DRAP).
Që prej fillimit të pandemisë në Pakistan janë shënuar mbi 516,000 raste infektimi dhe kanë ndërruar jetë mbi 11,000 pacientë.
