Lezhë- “Ne ju mbështesim 100%” , kështu u shpreh ambasadorja amerikane, Yuri Kim, në takimin e djeshëm me gazetarët pjesëmarës në Programin Ndërkombëtar të Vizitorëve Udhëheqës në SHBA. Ndër të tjera, Kim theksoi se SHBA e mbështesin punën e gazetarëve plotësisht, por paradoksi tregoi të kundërtën mesnatën e kësaj të premteje.
Reth orës 00:30 një sasi tritoli e vendosur në oborrin e shtëpisë së gazetarit të televizionit “News24”, Elidon Ndreka tronditi qytetin e Lezhës. Vetë gazetari Ndreka është shprehur se nuk ka konflikte me njeri dhe arsyeja e vetme që mund të jetë për vendosjen e lëndës plasëse është profesioni i tij si gazetar, që e ushtron prej vitesh.
Sipas Kim e drejta e medias është e garantuar nga Kushtetuta e SHBA-ve, por gazetarët duhet të jenë të pavarur dhe të guximshëm, e ndërsa guximi iu kundërpërgjigj në tritol ndaj gazetarit pak orë më parë.
Postimi i Ambasadës së SHBA
Sot Ambasadorja Kim u takua me gazetarë pjesëmarës në Programin Ndërkombëtar të Vizitorëve Udhëheqës në SHBA. Gjatë bashkëbisedimit të tyre, ajo përsëriti shpresën e saj që gazetaria në Shqipëri të bëhet shtylla e fortë që duhet të jetë në çdo demokraci; duke theksuar edhe rëndësinë që gazetarët të kenë mundësi të jenë të drejtë, të pavarur dhe të guximshëm. “Shtetet e Bashkuara mbështesin atë që jeni në gjendje të bëni në pozicionet tuaja. Ne ju mbështesim 100%”. – Ambasadorja Kim.
