PARAGUAJ – Trupat e katër notarëve janë gjetur të “masakruar” nga piranjat në një varg sulmesh që kanë tronditur të gjithë Amerikën e Jugut.
Sipas Daily mail, sulmet ndodhën në Paraguaj, ku njerëzit kanë vizituar lumenjtë lokalë në numër të madh gjatë valës aktuale të të nxehtit për t’u freskuar. Vdekja e parë e Vitit të Ri ndodhi të dielën teksa një 22-vjeçar po lahej në lumin Paraguaj. Alarmi u ngrit kur ai u zhduk papritur, dhe kur trupi i tij u gjet 45 minuta më vonë disa pjesë ishin shkëputur dhe ngrënë nga piranjat.
Sulmi i dytë ndodhi sërish në lumin Paraguaj kur një 49-vjeçar u gjet i vdekur pasi u sulmua nga piranat. Ai ishte raportuar i zhdukur disa orë më parë dhe gjithashtu u gjet me pickime të rënda në fytyrë. Në këtë rast, megjithatë, besohet se burri ka vdekur nga një atak në zemër dhe vetëm atëherë është sulmuar nga piranjat.
Dy persona të tjerë u gjetën të vdekur me kafshime piranje në trupat e tyre në lumin Tebicuar të dielën. Ka pasur sulme të tjera të supozuara, të cilat nuk ishin fatale, por rezultuan në lëndime të rënda, në lumin Parana në klubin e peshkimit Bella Vista, i cili është në departamentin e Itapua. Sulmet vijojnë nga incidentet e tjera të raportuara në Argjentinë kohët e fundit, duke përfshirë një adoleshente të cilës i është kafshuar gishti i këmbës.
Në një tjetër incident, një burri iu kafshua gishti i madh i këmbës gjatë një sulmi piranha në lumin Parana, me këtë rast teksa ndiqte rrugën e tij përmes qytetit të vogël të Coronda në provincën argjentinase lindore qendrore të Santa Fe. Burrit i është kafshuar maja nga gishti i madh dhe djalit të tij i është shqyer një pjesë nga thembra e këmbës, duke i lënë të dy me plagë të hapura.
Sipas mediave lokale, sulme të tilla ndodhin gjatë motit të nxehtë. Ato janë më të zakonshme gjatë verës kur peshqit riprodhohen dhe i afrohen bregdetit kur nivelet e ujit janë të ulëta. Pas sulmeve të fundit që lanë 20 të plagosur dhe të paktën dy të vdekur, biologu argjentinas Julio Caply zbuloi se megjithëse ka tetë lloje piranhash në vend, sulmet zakonisht bëhen nga vetëm dy – serrasalmus marginatus dhe serrasalmus maculatus. Biologu tha se peshqit vrasës janë kryesisht të pranishëm në lumenjtë Parana dhe Paraguaj, duke thënë se ata priren të fshihen nën bimë lundruese përpara se të nxitojnë papritur për të sulmuar viktimat.
