Aktori Johnny Depp ka surprizuar fansat në Yorkshire vetëm pak ditë pas gjyqit për shpifje ndaj ish-bashkëshortes së tij, Amber Heard.
Depp iu bashkua në skenë kitaristit Jeff Beck për të luajtur kitarë dhe për të kënduar në Sheffield City Hall të dielën mbrëma. Fansat të mahnitur e kanë ndarë lajmin në rrjetet sociale. Ndërsa në faqen e tij te internetit, Beck tha:
“Shpirtrat binjakë të muzikës kanë punuar në prapaskenë gjatë disa viteve të fundit për muzikë të re.”
Adhuruesit e befasuar të muzikës iu drejtuan Twitterit për të ndarë emocionet e shfaqjes së Depp në skenë në Sheffield.
Aktori i Pirates of the Caribbean ka qenë i përfshirë në disa vepra të mëparshme muzikore, duke përfshirë interpretimin në supergrupin Hollywood Vampires me Alice Cooper dhe Joe Perry të Aerosmith, në një homazh për këngëtarin e Motorhead Lemmy.
