Pa kaluar 24 orë nga kritikat e ashpra të kryeministrit Edi Rama në lidhje me plagosjen e një biznesmeni në Sarandë, kreu i Policisë së Shtetit Ardi Veliu ka firmosur shkarkimin e kryepolicit të këtij qyteti, Syrja Bello. Burime bëjnë me dije se në vend të Bellos në krye të Policisë së Sarandës është emëruar Klodian Kondi.
Rama foli dje me tone të ashpra sa i takon rolit të policisë duke drejtuar gishtin ndaj tyre për sulmet me armë në lokalet në zonat bregdetare, pronarët e të cilëve theksoi se kapin për hunde shefat e komisariateve.
